Бүген ул — Россия кооператив белем бирү системасының төп укыту-фәнни үзәге, кадрлар әзерләүнең күпьеллык тәҗрибәсе. Университетны оештыручы — Россия Федерациясе Центросоюзы.

Россия кооперация университеты илнең топ-10 икътисадый югары уку йортына керә. Бүген Россия кооперация университеты — сәүдә һәм кулланучылар кооперациясе өлкәсен кадрлар белән төп тәэмин итүче. Россия кооперация университетының төбәк челтәренә Калининградтан Камчаткага кадәр филиаллар керә, шул исәптән Чабаксар, Саранск, Идел буе, Волгоград, Казан, Краснодар, Башкортстан кооператив институтлары (филиаллары). Шулай ук профильле көллият бар.

Визиты югары уку йорты музеен караудан башланды. Рөстәм Миңнехановка «Донбасс чынбарлыгы», шулай ук «Кулланучылар кооперациясе тарихы» экспозицияләрен күрсәттеләр.

Россия кооперация университетына визиты барышында Рөстәм Миңнеханов югары уку йорты ректоры Алсу Нәбиева белән очрашты. 2017 елдан 2020 елга кадәр Алсу Нәбиева — Казан кооператив институты ректоры, 2020 елның июленнән — Россия кооперация университеты ректоры.

Аннары Татарстан Рәисе Халыкара кулланучылар кооперациясе форумының яшьләр трегы стартында катнашты.

Яшьләр трегын ачуда Рөстәм Миңнеханов, Россия Федерациясенең Центросоюзы Советы рәисе Дмитрий Зубов, Мытищи шәһәр округы, Россия кооперация университеты җитәкчелеге вәкилләре һәм башкалар сәламләү сүзләре белән чыгыш ясады.

Рөстәм Миңнеханов, аерым алганда, үзе кулланучылар кооперациясе өлкәсендә эшләвен һәм тармак проблемалары һәм аның мөмкинлекләре турында яхшы белүен искәртте. Рөстәм Миңнеханов ассызыклаганча, бүген кулланучылар кооперациясен үстерү — актуальлеген югалтмый торган мөһим юнәлеш. Ул Дөбъяз авылында эшләтеп җибәрелгән яңа проект турында сөйләде – март башында анда КООП ОКОЛО бренды белән яңа авыл кибете ачылган (Центросоюз һәм X5 тарафыннан гамәлгә ашырыла торган уңышлы дәүләт-хосусый партнёрлык үрнәге).

Форумның яшьләр трегы — кулланучылар кооперациясенең халыкара форумы кысаларында узачак күп кенә чараларның берсе (форум 2026 елның 8-10 июлендә Казанда узачак һәм Россиядә кооператив хәрәкәтенең 195 еллыгына багышлана).

Моннан тыш, бүген үк «РКУ – Инфотех» технопаркы эшенә старт бирелде, Россия һәм чит ил партнёрлары белән очрашу узды.

Бүген Россия кооперация университетында булганда Татарстан Рәисе Рөстәм Миңнехановка «РКУның Мактаулы профессоры» дигән мактаулы исем тапшырдылар.

ТР Рәисе Матбугат хезмәте, Елена Бритвина. ТНВ Мәскәү филиалы материаллары кулланылды