Татарстанда яшәүче 201 меңнән артык кеше Дәүләт Думасына сайлауларга кандидатлар сайлау буенча «Бердәм Россия»нең беренчел тавыш бирүендә катнашты. Тавыш бирү 31 майда 20:00 сәгатьтә тәмамланды, дип хәбәр итә «Бердәм Россия» матбугат хезмәте.

Фикер алышуда Татарстаннан партиянең төбәк бүлеге секретаре, ТР Дәүләт Советының мактаулы рәисе Фәрит Мөхәммәтшин, «Бердәм Россия» төбәк башкарма комитеты җитәкчесе Марат Сәмигуллин, шулай ук алдан тавыш бирүдә катнашучылар – Россия Герое, генерал-полковник Александр Лапин, Дәүләт Думасы депутаты Марат Нуриев һәм «Бердәм Россия Яшь гвардиясе»нең Татарстан бүлеге җитәкчесе, ТР Дәүләт Советы депутаты Руслан Шиһабеддинов катнашты.

Фәрит Мөхәммәтшин тавыш бирүгә якынча йомгак ясап, партиянең Татарстан бүлеге илдә иң эреләр рәтенә керүен һәм аның 130 меңнән артык әгъзасы булуын искәртте.

Аның сүзләренчә, республика гадәттәгечә югары активлык күрсәтә: тавыш бирүдә 201 меңнән артык кеше катнашты, шул исәптән төбәктәге партиясез кешеләр дә. Алар Дәүләт Думасына депутатлар сайлауда катнашу өчен тәкъдим ителгән кандидатларны хупладылар. Мөхәммәтшин шулай ук партиядәшләренә башкарган эшләре өчен рәхмәт белдерде.

Татар-информ