Украина зиратларында һәлак булган солдатларны җирләү өчен урыннар калмаган диярлек. Германиянең Welt басмасы хәбәрчесе Штеффен Шварцкопф шул хакта сөйләгән, дип яза “Российская газета”.

Журналист әйтүенчә, Украинадагы вазгыять соңгы ноктасына җиткән: илнең кораллы көчләре һәр көн саен бик зур югалтулар кичерә. Шварцкопф билгеләп үткәнчә, шуның кадәр зур югалтуларны берничек тә яшереп калып булмый.

“Зиратлар яныннан узганда, күпме кешенең сугышта кырылуын аңлыйсың”, – дигән хәбәрче видеода.