Топ новости
Март башында Россия халкы өч көн рәттән ял итәчәк. Бу Халыкара хатын-кызлар көненең якшәмбегә туры килүе белән бәйле, ә ял көне дүшәмбегә – 9 мартка күчерелә. Бу хакта Президент академиясе эксперты Татьяна Подольская хәбәр итте, дип яза «РИА Новости»га сылтама белән «Татар-информ».
Шулай итеп, биш көнлек график буенча эшләүчеләр өчен ял көннәре 7 марттан 9 мартка кадәр дәвам итәчәк.
Подольская шулай ук айның икенче эш атнасы кыскартылачак – ул дүрт көн дәвам итәчәк һәм 10 мартта башланачак, дип ачыклык кертте.
Сүз уңаеннан, хәзерге вакытта Татарстанда «Кадрлар» илкүләм проекты гамәлгә ашырыла.
